森美带团游日本四国 平杜如风10万！全程陪足4日 用腹肌带你

早前森美拍旅游节目《森美旅行团》大受欢迎，想真係跟森美带团去旅行？机会嚟啦飞云！东瀛游邀请森美成为星级导游，带团去日本四国，只限1团，咁啱同杜如风同期出发，一齐睇睇有咩分别啦！

text：Cynthia｜photo：Woody、相关机构

01｜团费：森美$15,000 VS 杜如风$120,000

大家报团首先梗係睇价钱，森美今次直航飞德岛玩4日（2月1-4日），团费包来回机票、3晚酒泉酒店及每日3餐，仲包晒景点门票，每位$15,888，以一般名人带团来比较，真係唔算贵！再睇睇杜如风东京6日团，踩正红日大年初一（2月16-21日）当然係会贵啲，但要成$118,888，贵成10万蚊以上，绝对可以称得上「天价」、「离地价」，相信唔係一般打工仔畀得起！

02｜地点：四国「森」度游 VS「疯」买东京

对于好多香港人来说，日本四国德岛不算是热门的地方，平时无直航机去，而今次森美带团更会坐港龙独家的包机直航！比起个个都识去、自己一个去都无问题的东京，德岛更有跟团的价值，森美大sell可以去秘景，走文化深度游路线，仲话会讲解好多历史资料！但如果锺情食买玩嘅，跟杜小姐就啱啲。

03｜行程：秘景文化游VS疯狂Shopping

对于行程去边，森美就表示自己係一个文青，所以就会带大家去睇秘景、了解文化嘢，包括亲手做乌冬、体验呜门大桥漩涡趣等，同埋会带领大家跳传统阿波舞！森美认为其实日本唔係一个只有Shopping同打卡的地方，可以感受一下大自然，仲话：「无咁上下修养就唔好跟我团啦！」而杜如风嘅行程，可以用「浮夸」两个字来形容：坐直升机睇东京日落、游艇食法国菜、3星米芝莲怀石料理，再加无限个疯狂Shopping时段，睇你兴趣选择跟边个啦！

04｜导游服务：杜如风客串 VS 森美跟足全程

跟得明星去旅行，重点一定係明星本人的出席率：杜如风嘅行程单张写得好清楚，如果杜如风「因个人身体状况或其他不能遇见因素导致未能出席，客人不能藉此退出。」而且「杜如风每日随团之时间，以当日安排为準。」劲有保留！反而森美接受访问时表示，佢会完完整整跟足4日，仲保证每次搭车都一定会唱一首歌，浸温泉嘅时候仲会大方show腹肌「睇肉系」！咁有诚意，唔知大家会点打赏呢位导游呢？

森美：我恨做导游好耐！

被问到点解会答应带团，森美表示自己由细到大嘅梦想，就係想成为导游，可以同团友互动，介绍景点、带欢乐畀大家，所以今次一有机会，就立即答应！

 

《星级导游森美游德岛4天之旅》

报名

出发

价钱：$15,888(经济舱)／$16,888(商务舱)

行程：行程包括去道后温泉会馆叹温泉、欣赏传统阿波舞、踏上鸣门大桥奇趣漩涡走廊、製作讚崎乌冬等。

名额：30人

网址

延伸阅读：东京平食推介 4间抵食餐厅清单｜东京食买玩全攻略（三）

延伸阅读：平均每人$500/晚！香港人游大阪必试和风温泉酒店！

签账即享1蚊1里加抽奖送机票！全新DBS Black Card信用卡优惠即睇详情！

成功申请DBS COMPASS VISA即送你ELLE Vortex 24吋铝框行李箱，详情按此！